Əsas səhifə Saytın xəritəsi E-müraciət Qəbul Axtarış Əlaqə Linklər

    
        www.heydar-aliyev.org

    
               www.president.az

    
             www.azerbaijan.az

    
             www.courts.gov.az

    
        www.constcourt.gov.az

    
   www.supremecourt.gov.az

    
             www.justice.gov.az

    
                www.e-qanun.az


  Yeni:  
YENİ TƏYİN OLUNMUŞ HAKİMLƏRƏ XÜSUSİ GEYİM VƏ METODİKİ VƏSAİTLƏR TƏQDİM EDİLMİŞDİR

Ölkəmizdə məhkəmə fəaliyyətinin təkmilləşdirilməsi üzrə görülən tədbirlər çərçivəsində hakimliyə namizədlərin beynəlxalq standartlar səviyyəsində tam şaffaf və çoxmərhələli prosedurlarla seçilməsi prosesi başa çatmış, 700-dən çox namizəd sırasından 102 nəfər hakim vəzifəsinə layiq bilinmiş və dövlət başçısının 6 avqust 2008-ci il tarixli Sərəncamı ilə birinci instansiya məhkəmələrinin hakimi vəzifələrinə təyin edilmişlər.

Ədliyyə naziri, Məhkəmə-Hüquq Şurasının sədri Fikrət Məmmədov yeni təyin edilmiş hakimlərlə görüşmüşdür. Ölkə Prezidenti tərəfindən şərəfli hakim adına layiq bilinmələri münasibətilə onları təbrik edən nazir, müstəqil və qərəzsiz olacaqlarına, hakim adını daim uca tutacaqlarına ümidvar olduğunu bildirmişdir.

Tədbirdə ədalət mühakiməsinin səmərəliliyinin artırılması üzrə həyata keçirilən mütərəqqi tədbirlər, o cümlədən hakimlərin iş həcminin azaldılması, işlərə daha keyfiyyətli baxılması və süründürməçilik hallarının qarşısının alınması məqsədilə hakim ştatlarının yarıyadək artırılması vurğulanmış, bu təyinatların aparılması ilə birinci instansiya məhkəmələrinin tam komplektləşdirilməsi qeyd edilmişdir.

Sonra hakim vəzifələrinə yeni təyin olunmuş şəxslərə hakimin xüsusi geyimi (mantiya), habelə «Hakimlərin Etik Davranış Kodeksi» və digər metodiki vəsaitlər təqdim olunmuşdur.

Çap et

07.08.2008
 





© 2005-2010, Azərbaycan Respublikası Məhkəmə-Hüquq Şurası
Ünvan: Bakı şəhəri, Z. Xəlilov küç., 540-cı məhəllə, AZ1073, Azərbaycan
Telefon: (00994 12) 510-21-62 (Faks)
www.jlc.gov.az