Əsas səhifə Saytın xəritəsi E-müraciət Qəbul Axtarış Əlaqə Linklər

    
        www.heydar-aliyev.org

    
               www.president.az

    
             www.azerbaijan.az

    
             www.courts.gov.az

    
        www.constcourt.gov.az

    
   www.supremecourt.gov.az

    
             www.justice.gov.az

    
                www.e-qanun.az


  Yeni:  
MAYIN 1-DƏ ƏDLİYYƏ NAZİRİ, MƏHKƏMƏ-HÜQUQ ŞURASININ SƏDRİ FİKRƏT MƏMMƏDOV AVROPA ŞURASININ (AŞ) BAKI OFİSİNİN YENİ RƏHBƏRİ XANIM DRAQANA FİLİPOVİÇ İLƏ GÖRÜŞMÜŞDÜR.

Ölkəmizin Avropa Şurası ilə səmərəli əməkdaşlığını vurğulayan nazir D.Filipoviçə yeni vəzifədə uğurlar arzulayaraq qarşılıqlı fəaliyyətin daha da genişlənəcəyinə əminliyini bildirmişdir. Nazir ölkə Prezidenti cənab İlham Əliyevin rəhbərliyi ilə aparılan uğurlu məhkəmə-hüquq islahatlarını, o cümlədən hakimlərin Avropada ən şəffaf seçimini və tədrisini, həyata keçirilən tədbirlərdə AŞ-nın fəal dəstəyini qeyd etmişdir. Həmçinin, penitensiar sistemin və infrastrukturun müasirləşdirilməsi, nazirlik tərəfindən yeni şəffaf təcrübələrin, o cümlədən səmərəli ictimai nəzarət mexanizminin tətbiqi, fəaliyyətdə ictimaiyyətin yaxından iştirakı barədə məlumat verilmiş, ölkəmizdə korrupsiyaya qarşı sərt mübarizə aparıldığı bildirilmişdir.

Avropa Şurasının Azərbaycanda təmsil olunmasını regionda ən vacib və əhəmiyyətli hal kimi dəyərləndirən səfir ölkəmizdə fəaliyyətə başlamasından məmnunluğunu ifadə etmişdir. Xanım D.Filipoviç AŞ və onun strukturları, o cümlədən Ədalət mühakiməsinin səmərəliliyinin artırılması üzrə Komissiya (CEPEJ), İşgəncələrin qarşısının alınması üzrə Komitə (CPT) və s. ilə Azərbaycan arasında sıx işgüzar əlaqələrin olduğunu bildirmiş, ölkəmizin AŞ Nazirlər Komitəsində qarşıdan gələn sədrliyi çərçivəsində keçirilən birgə tədbirlərin hər iki tərəf üçün əhəmiyyətini vurğulamışdır. Qonaq respublikamızda müxtəlif istiqamətlərdə, o cümlədən korrupsiya ilə mübarizə sahəsində uğurlu addımlar atıldığını qeyd etmiş, AŞ Bakı Ofisinin açıq və konstruktiv əməkdaşlıqda maraqlı olduğunu söyləyərək qarşılıqlı fəaliyyətin daha da dərinləşdirilməsinə hazır olduğunu bildirmişdir.

Söhbət zamanı Avropa Şurasının 2014-2016-cı illər üzrə Azərbaycan üçün Fəaliyyət Planının əhəmiyyəti qeyd olunaraq onun hazırlanmasında Ədliyyə Nazirliyinin fəal dəstəyi təqdir edilmiş, Planın AŞ Baş katibinin ölkəmizə səfəri zamanı keçiriləcək birgə təqdimatı ətrafında fikir mübadiləsi aparılmış, bu mühüm sənədin demokratiyanın daha da inkişafına, insan hüquqlarının etibarlı təminatına xidmət edəcəyi vurğulanmışdır.

Görüşdə qarşılıqlı maraq doğuran məsələlər müzakirə edilmişdir.

Qonaq nazirlikdə Ədliyyə tarixi muzeyi ilə tanış olmuşdur.

Çap et

01.05.2014
 





© 2005-2010, Azərbaycan Respublikası Məhkəmə-Hüquq Şurası
Ünvan: Bakı şəhəri, Z. Xəlilov küç., 540-cı məhəllə, AZ1073, Azərbaycan
Telefon: (00994 12) 510-21-62 (Faks)
www.jlc.gov.az